«Nunspitgadamein udin nus buca da lunsch dar in sgarscheivel bergel d’in tier selvadi. S’approximont dil
liug danunder quel vegneva, vesein nus in uors en combat cun ina sgarscheivla siarp (Boa constrictor), ch’era
sestortegliada entuorn igl uors per stinschentar e sfraccar ensemen quel. Spert decidius pren Carigiet siu
grond cunti de catscha, e senza datgar sil prigel, va vitier e taglia la siarp en dus tocs, e deliberescha
igl uors. Quel per engrazieivladat litgava ils mauns a siu spindrader, e deva gronds grius de legerment.»
—Ludivic Cathomen, Trentatschunc onns en l'America